Hestîyên Tivinga Min

Min li ber her baranê dest bi stranekê kir
Guhanên baranê hebûn
Min li ber her baranê tiştekê winda kir
Hovîtîya behrê, rengê avê, di binê balîfa min ra çemekê derbas dibe
Xewna Wî dibînim. Ew, xweşiktir e ji hêjîrên ber baxçeyê dêrê
Av, ey xêza mirin û jiyanê
Av e, bendav e, lehî ye
Gulistan e di nav da wenda ye
Gulistan, porxeleka strana bayê
Dikene li ber ava Munzurê
Şev e
Tenê destekê min heye, niviştan ji hev vedikim ebced hewwez
Ez li ser kuştina xwe difikirim
Jin im